Til hamingju Hvolsskóli

Íslensku menntaverðlaunin voru afhent í gær og vil ég óska Hvolsskóla til hamingju með þennan frábæra árangur.  En í hvert skipt sem þessi verðlaun eru veitt kemur alltaf sama spurning upp í huga mér. Af hverju  eru bara veitt menntaverðlaun  í grunnskólum landsins en ekki t.d. í leik- og framhaldsskólum ?  Fyrir þremur árum sendi ég forseta íslands fyrirspurn um af hverju þessi háttur væri á,  en þrátt fyrir ítrekun þá fannst honum erindi mitt ekki svarar vert.   Í lögum um leikskóla segir í 1. kafla 1. gr. "...Leikskólinn er fyrsta skólastigið í skólakerfinu og er fyrir börn undir skólaskyldualdri..."  Í dag eru leikskólar eins og aðrir skólar menntstofnun sem er stjórnað af sérmenntuðum kennurum er  leggja metnað sinn í að framfylgja þeim markmiðum sem sett eru fram í fyrrnefndum lögum og Aðalnámsskrá  leikskóla sem gefin eru út af menntamálaráðherra.  Margir leikskólakennarar hafa unnir frábært þróunarstarf bæði sem einstaklingar og í samvinnu við aðra  leikskólakennara og ættu skilið að fá viðurkenningu fyrir störf sín. En aftur Hvolsskóli til hamingju og ég ákaflega stolt af því að börnin sem fara frá mínum skóla, leikskólanum Örk fara í grunnskóla sem hefur hlotið þessa viðurkenningu.